කොහොමද නීරෝගී , නම්‍යශීලී , නිවැරදි බරකින් යුතු සිරුරක් ලබා ගන්නේ?ඔබ ගන්නා ආහාරයෙන් සිරුරට ලැබෙන ශක්ති ප්‍රමාණය ක්‍රියාශීලී දිවියක් ගත කිරීම මඟින් වැය කල යුතුයි.
ඒ සඳහා........
දිනකට ප්‍රධාන ආහාර වේල් 3ක් ගන්න. ඒ අතරට සැහැල්ලු ආහාර වේල් 2ක් ගත හැකියි. ආහාර වේල් දෙකක් අතර පැය 3ක් වත් පරතරයක් තබා ගැනීමට සැලකිලිමත් වන්න.
නිතරම හොඳ පෝෂණ ගුණයකින් යුතු ස්වාභාවික ආහාර ගන්න. එය වෙළඳපොලේ ඇති මාංශපේශී වර්ධක නිෂ්පාදන වලට වඩා ආරක්ෂාකාරී වන අතර ඔබගේ මුදල් ඉතිරි කරනවා.
පෝෂණීය අතිරේක ආහාර....-ඕනෑම පලතුරක්
-යෝගට් 1ක්, මුදවපු කිරි කෝප්ප 1ක්.
-තැම්බූ ධාන්‍ය කෝප්පයක්.
-තල , රටකජු , කජුමද වැනි දෙයකි.
-තැම්බූ මඤ්ඤොක්කා , බතල වැනි අල වර්ගයක් ගා ගත් පොල් සමඟ.
- හැලප, මුං ගුලි, වඩේ වැනි නිවසේදී සාදාගත් සැහැල්ලු කෑම් වර්ගයක්.
ව්‍යායාම වර්ග........
සාමාන්‍ය ව්‍යායාම :-
මෙම ව්‍යායාම සඳහා මඳ වශයෙන් ශක්තිය වැය වන අතර හෘද ස්පන්දනය සැලකිය යුතු ලෙස වැඩි වනවා.මෙහිදී විවේකීව සිටින විටදී වැයවන ශක්ති ප්‍රමාණය මෙන් 3 -4 ගුණයක් තරම් ශක්තිය වැය වීමක් සිදුවෙනවා.
1. වේගයෙන් ඇවිදීම.
2. නැටීම.
3. ගෙවතු වගාවන්.
5. කුඩා දරුවන් සමග සෙල්ලම් කිරීම/ සතුන් ඇවිදවීමට ගෙන යාම.
7. කිලෝ 20 ට වඩ බර අඩු දේවල් එහා මෙහා කිරීම.
දැඩි ව්‍යායාම.......
මෙහිදී අදික ශක්තියක් වැය වන අතර (විවේකීයව සිටින විටදීට වඩා 6 ගුණයකටත් වඩා ශක්තිය වැය වේ) වේගයෙන් ශ්වසනය සිදුවේ. හෘද ස්පන්දනය ඉතා වැඩි අගයකට පත් වේ.
1. දිවීම.
2. කන්දක් නැගීම.
3. වේගයෙන් පාපැදිය පැදීම.
5. වේගයෙන් පිහිනීම.
7. තරඟකාරී ක්‍රීඩාවන් (උදා :- ෆුට්බෝල්, වොලිබෝල්).
8. පොළොව හෑරීම, පස් ගොඩ දැමීම වැනි කටයුතු.
9. කිලෝ 20ට වැඩි බර ගෙනයාම සහ එහා මෙහා කිරීම.
නිරෝගී සිරුරට මෙම ව්‍යායාම නිවැරදි ප්‍රමාණයන්ගෙන් අවශ්‍යයි.ඒ පිළිබඳව අප පෙර ලිපියකින් දැක්වූවා.
Posts
